11 студзеня 2022 года ў Полацкім каледжы ВДУ імя П.М.Машэрава адбылася дыялогавая пляцоўка па абмеркаванні праекта змяненняў і дапаўненняў у Канстытуцыю Рэспублікі Беларусь.
У працы пляцоўкі прынялі ўдзел Т.Г. Полушкіна, член Савета Рэспублікі Нацыянальнага сходу Рэспублікі Беларусь, намеснікі дырэктара (па напрамках), кіраўнікі структурных падраздзяленняў, выкладчыкі.
Мадэратарамі пляцоўкі выступілі выкладчыкі сацыяльна-гуманітарных дысцыплін Мішута В.М., Атвалка А.У., Пятніца В.М.
Удзельнікі азнаёміліся з раздзеламі праекта асноўнага закона, які не толькі прадугледжвае пераемнасць дзеючай Канстытуцыі, але і змяшчае шэраг новаўвядзенняў: узмацненне ролі народаўладдзя ў абноўленым праекце, замацаванне сямейных і маральных каштоўнасцей у грамадстве, захаванне нацыянальных каштоўнасцей беларускага народа, забеспячэнне захавання гістарычнай праўды. памяці аб гераічным подзвігу беларускага народа ў гады Вялікай Айчыннай вайны, павелічэнні адказнасці чалавека за сваё здароўе.
Падчас дыялогавай пляцоўкі ўдзельнікі змаглі задаць пытанні, якія іх цікавілі, і атрымаць вычарпальныя адказы.

Напярэдадні Новага года навучэнцы Полацкага каледжа ВДУ імя П.М.Машэрава далучыліся да Рэспубліканскай дабрачыннай акцыі "Нашы дзеці". У рамках навагодняга марафону – 2022 «З добрым сэрцам – на добрыя справы!» валанцёры клуба «Альтэрнатыва» (кіраўнік Арлова А.У.) павіншавалі дзяцей БШ №9, СШ №10, якія ў дадзены момант знаходзяцца ў цяжкай жыццёвай сітуацыі з надыходзячым Новым годам, Калядамі, уручылі падарункі, якія падрыхтавалі навучэнцы і супрацоўнікі каледжа. Марафон дабра працягваецца!

#літаратура #мойбагдановіч 2021 год - юбілейны для Максіма Багдановіча. Сёння, 9 снежня, мы адзначаем 130-годдзе з дня нараджэння класіка беларускай літаратуры. З гэтай нагоды навучэнцы групы 21Н прынялі ўдзел ў інтэрактыўнай гульні " Я хацеў бы спаткацца з вамі...". Усе жадаючыя маглі наведаць віртуальную выставу кніг "Светлы ж след будзе вечна жывым..." і анлайн-гасціную "Мой Багдановіч".

Ярка, крэатыўна і цікава прайшоў адкрыты Тыдзень камісіі Дашкольных дысцыплін і фізічнага выхавання ў Полацкім каледжы ВДУ імя П.М.Машэрава.
У рамках гэтай падзеі выкладчыкамі камісіі былі праведзены адкрытыя ўрокі па шэрагу навучальных дысцыплін, арганізаваны выставы, майстар-класы, выхаваўчыя мерапрыемствы з навучэнцамі. Кожны дзень тыдня атрымаў сваю назву, якая адлюстроўвае тэму дня: Стартавы панядзелак, Прафесійны аўторак, Спартыўнае асяроддзе, Адукацыйны чацвер, Крэатыўная пятніца і Выніковая субота.
Запамінальнай падзеяй панядзелка стаў грандыёзны псіхалагічны турнір, падчас якога навучэнцы выпускных груп павінны былі паказаць не толькі веданне псіхалогіі, але і прадэманстраваць знаходлівасць, арыгінальнасць і смеласць.
У Прафесійны аўторак педагогі каледжа былі запрошаны на адкрыты дзень практыкі "Пробныя заняткі ў дашкольным узросце". Навучэнцы прадэманстравалі не толькі ўменне праводзіць заняткі з дзецьмі дашкольнага ўзросту, але і ўменне падрабязна аналізаваць праведзеную работу.
Самай актыўнай стала, вядома ж, Спартыўнае асяроддзе. Мяркуйце самі: для навучэнцаў каледжа былі праведзены ранішнія гімнастыкі і рухальныя перапынкі, віктарына "Спартыўны эрудыт", а скончыўся дзень кругавой трэніроўкай клуба "Фітаняшкі". Не засталіся без увагі і педагогі каледжа. Яны прынялі ўдзел у акцыі "ЗОЖ-савет".
Галоўнай падзеяй Адукацыйнага чацвярга стала інтэрактыўная педагагічная канферэнцыя "Дашкольная адукацыя ў розных краінах. Погляд знутры". Педагогі і навучэнцы здзейснілі віртуальнае падарожжа ў дзіцячыя сады Кітая, Швецыі, Фінляндыі, Германіі, Японіі, Ізраіля.
Пятніца фінішавала прэзентацыяй педагагічнай пляцоўкі. Увазе гасцей былі прапанаваны секцыі "Matatalab: Інфарматыка без разеткі", "ТРВЗ з дашкольнага дзяцінства", "ІКТ у маўленчым развіцці дзяцей", "Спецыяльныя ўменні: фарміруем, развіваем, творым", "Робостарт: Лега-канструяванне для дашкольнікаў".
У суботу былі падведзены вынікі тыдня. Галоўнае пажаданне самім сабе - развівацца далей, бо няма мяжы дасканаласці!