1 снежня 2022 года, у рамках Сусветнага дня барацьбы са СНІДам, валанцёры клуба "Альтэрнатыва" правялі акцыю "Ведай. Разумей. Дзейнічай". Перад навучэнцамі каледжа выступіла галоўны спецыяліст цэнтра, дружалюбнага падлеткам "Адкрыцьцё" Лавейка Т. П.

У рамках абласнога грамадзянска-патрыятычнага марафону "Адзіны" нашы навучэнцы прынялі ўдзел у народным выкананні гімна Рэспублікі Беларусь.

26 лістапада 2022 года ў каледжы праведзен бацькоўскі сход па тэме "Стварэнне бяспечнага асяроддзя для паспяховай сацыялізацыі навучэнцаў: закон, супрацоўніцтва, альтэрнатыва".
У ходзе сходу ўдзельнікі абмеркавалі актуальныя пытанні арганізацыі навучальнага працэсу і практычнай падрыхтоўкі як фактараў паспяховай сацыялізацыі навучэнцаў, прафілактыкі супрацьпраўных паводзін навучэнцаў.
З інфармацыяй выступілі намеснік дырэктара па вучэбнай рабоце Арцімёнак Т.М., намеснік дырэктара па вучэбна-вытворчай рабоце Булах С.А., намеснік дырэктара па выхаваўчай рабоце Колач І.Л., кіраўнік па ваенна-патрыятычнаму выхаванню Осіпаў А.Г., урач-псіхатэрапеўт Ляшчынская А.М. У навучальных групах адбылася сустрэча з куратарамі і загадчыкамі спецыяльнасцей Максімавай В.М., Літвінавай А.М., Краўчанкай В.Ю.
Падчас мерапрыемства ўдзельнікі пазнаёміліся з прэзентацыяй "Каледж: гісторыя і сучаснасць".
Валанцёры клуба "Альтэрнатыва" (кіраўнік Арлова А.В.) падрыхтавалі і правялі акцыю для бацькоў "Формула бяспекі", а таксама прадставілі відэа "Топ-10 падказак бацькам ад дзяцей".

5 верасня ў каледжы дадзены старт акцыі "Моладзь - за ўраджай!". Студэнцкія сельскагаспадарчыя атрады "Світанак імя Т.С.Марыненкі", "Пралеска імя Т.С.Марыненкі", "Паходня імя Т.С.Марыненкі" адправіліся ў філіял "Вясна-энерга" на ўборку караняплодаў. Жадаем цудоўнага настрою, сонечнага надвор'я і добрага ўраджаю!

“Настаўнік не толькі дае веды, але і вучыць верыць у свае сілы і спраўляцца з цяжкасцямі, ісці да сваёй мары. Настаўнік адчыняе вучням дзверы ў дарослае жыццё, па маленькіх цаглінках творыць будучыню. Таму падрыхтоўка сапраўднага настаўніка – гэта доўгі, складаны, адказны працэс.
…”
З гэтых слоў пачалася традыцыйная для Полацкага каледжа ВДУ імя П.М. Машэрава “Вялікая дыктоўка”, якая штогод ладзіцца цыклавой камісіяй мовы і літаратуры з методыкамі выкладання напярэдадні Дня настаўніка. Сёлета дыктоўка прысвечана прафесійнаму святу і юбiлею каледжа, які будзе адзначацца ў кастрычніку. Навучэнцы разам з кіраўніцтвам каледжа, выкладыкамі пісалі тэкст, прысвечаны гісторыі навучальнай установы.
“…На працягу 150 гадоў Полацкі каледж ВДУ імя П.М. Машэрава адчыняе дзверы ў будучыню тысячам юнакоў і дзяўчат, працавітых, мэтанакіраваных, добрых настаўнікаў, выхавальнікаў. Шмат намаганняў давялося прыкласці выкладчыкам навучальнай установы, каб пра яе загаварылі як пра лепшую навучальную ўстанову па падрыхтоўцы педагагічных кадраў для нашай краіны.”
Да віншванняў далучыліся і школьнікі горада. Дыктоўку і свае пажаданні да свята напісалі  шасцікласнікі ДУА “Сярэняя школа №8 г. Полацка” (настаўнік Чарлёнак М.В.) і вучні 9 класа ДУА “Сярэняя школа №18  імя Ефрасінні Полацкай г.Полацка” (настаўнік Аўчыннікава В.В.).
“150 гадоў дзверы каледжа адчынены для тых, у каго ёсць вялікае імкненне і жаданне атрымаць якасную прафесійную падрыхтоўку.
З Днём нараджэння, каледж!”

3 верасня ў рамках святкавання Дня беларускага пісьменства ў Полацкім каледжы ВДУ імя П.М.Машэрава прайшоў відэамарафон "Чароўная мелодыя замалёвак беларускай кнігі".
Наведаўшы тэматычную выставу "Полацк літаратурны", навучэнцы пазнаёміліся з навінкамі літаратуры, з творчасцю паэтаў і празаікаў Полаччыны.
На стэндавай сесіі “Творчая спадчына выкладчыкаў і выпускнікоў Полацкага каледжа ВДУ імя П.М. Машэрава» навучэнцы груп новага набору даведаліся аб рабоце навучэнцаў старэйшых курсаў па вывучэнні літаратурнай спадчыны выкладчыкаў і выпускнікоў Полацкага каледжа ВДУ імя П.М. Машэрава.

У межах рэспубліканскага Тыдня роднай мовы " Як ты дорага мне, мая родная мова!" навучэнцы спецыяльнасці Пачатковая адукацыя  прынялі ўдзел у шэрагу  мерапрыемстваў. Наведалі выставу вучэбнай літаратуры " Сэрцам роднага слова краніся", стварылі інтэрактыўнае воблака слоў " Маё любімае слова па-беларуску ", прагледзелі відэасюжэты пра знакамітых беларусаў. Групы 12Н і 31Н  сумесна наладзілі літаратурна- музычную імпрэзу "Чытаем Максіма Танка разам".

З 20 па 29 красавіка 2022 года ў каледжы паспяхова прайшлі 12 мерапрыемстваў у рамках Тыдня камісіі баяна, акардэона. Шырокі спектр накіраванасці мерапрыемстваў адкрываў магчымасць выкладчыкам каледжа і навучэнцам пазнаёміцца ​​з напрацоўкамі і дасягненнямі камісіі ў педагагічнай, метадычнай і творчай рабоце. Некалькі творчых праектаў стануць традыцыйнымі. Галоўны вынік гэтага яркага міні фестывалю - пацвярджэнне высокага стваральнага патэнцыялу каманды выкладчыкаў і навучэнцаў і моцны імпульс да далейшага ўдасканалення працы і вучобы.

20 верасня на базе Полацкага каледжа ВДУ имя П. М. Машэрава ГА "БРСМ" адзначыла свой 20-гадовы юбілей на ўрачыстым мерапрыемстве ўзнагародзілі лепшых і самых актыўных!
Першасная арганізацыя каледжа ўдастоена падзякі за асабісты ўклад у развіццё і рэалізацыю праектаў і праграм!

4 мая 2022 года ў Полацкім каледжы ВДУ імя П.М.Машэрава адбылася ўрачыстая цырымонія ўзнагароджання пераможцаў і прызёраў раённага агляду-конкурсу на найлепшую арганізацыю ідэалагічнай работы ў працоўных калектывах горада Полацка і Полацкага раёна па выніках 2021 года.
Па выніках агляду-конкурсу Полацкі каледж ВДУ імя П.М.Машэрава ўзнагароджаны ДЫПЛОМАМ 1 СТУПЕННІ ў сферы дзейнасці «Сярэдняя спецыяльная і прафесійна-тэхнічная адукацыя».
На агляд-конкурс прадстаўлены зборнік матэрыялаў з вопыту работы "Полацкі каледж ВДУ імя П.М.Машэрава: адзінства вопыту, інавацый, здзяйсненняў" (pedcol.vsu.by).
Віншуем калектыў каледжа з дастойнай узнагародай! Жадаем далейшых поспехаў!