Спецыяльнасць 2-01 02 01 Пачатковая адукацыя   Кваліфікацыя Настаўнік   1872 год - адкрыццё спецыяльнасці

 

Загадчык аддзялення Максiмава Вольга Мікалаеўна

 

Настаўнік пачатковых класаў - педагог, які дае дзецям базавыя веды, без якіх немагчыма іх далейшая адукацыя.

 

Працаваць з дзецьмі, быць для іх правадніком у свет ведаў, быць масавіком-забаўнікам і пры гэтым быць узорам маральнасці – зусім не лёгкая справа.

 

Навучанне на спецыяльнасці дае веды тэорыі і методыкі выкладання ў пачатковых класах, дзейнасці класнага кіраўніка. Навучэнцы асвойваюць асновы арганізацыі пазаўрочнай працы, псіхалагічнага суправаджэння адукацыйнага працэсу і інш.

 

Прафесійныя дысцыпліны ўключаюць:

 

• Педагогіка

 

• Псіхалогія

 

* Анатомія, фізіялогія і гігіена

 

• Руская  мова з методыкай выкладання

 

* Беларуская мова з методыкай выкладання

 

• Каліграфія

 

* Сусветная дзіцячая літаратура

 

• Тэарэтычныя асновы пачатковага курса матэматыкі з методыкай выкладання

 

* Тэорыя і методыка навучання выяўленчай дзейнасці

 

* Тэорыя і методыка фізічнага выхавання

 

* Тэорыя і методыка музычнага выхавання

 

 

 

Асноўныя функцыянальныя абавязкі выпускнікоў:

 

* Вызначэнне мэтаў і задач, планаванне, правядзенне і аналіз урокаў;

 

* Педагагічны кантроль, ацэнка працэсу і выніку навучання;

 

* Вядзенне дакументацыі, якая забяспечвае навучанне па адукацыйных праграмах пачатковай адукацыі;

 

* Вызначэнне мэтаў і задач пазаўрочнай дзейнасці, планаванне і правядзенне пазаўрочных заняткаў;

 

* Узаемадзеянне з бацькамі навучэнцаў пры вырашэнні задач навучання і выхавання;

 

* Распрацоўка вучэбна-метадычных матэрыялаў (рабочыя праграмы, вучэбна-тэматычныя планы)

 

* Сістэматызацыя і ацэнка педагагічнага вопыту і адукацыйных тэхналогій у галіне пачатковай адукацыі на аснове вывучэння прафесійнай літаратуры, самааналізу і аналізу дзейнасці іншых педагогаў;

 

* Афармленне педагагічных распрацовак у выглядзе справаздач, рэфератаў.

 

 

 

Кантынгент навучэнцаў на 01.10.2021 навучальнага года:

 

 

 

 

Базы практыкі: сярэднія школы, гімназіі г. Полацка, Наваполацка

 

 

 

Выпускнікі могуць паступаць у любыя вышэйшыя навучальныя ўстановы Рэспублікі Беларусь: Віцебскі дзяржаўны ўніверсітэт імя П. М. Машэрава, Беларускі дзяржаўны педагагічны ўніверсітэт імя М. Танка, Магілёўскі дзяржаўны ўніверсітэт імя А. А. Куляшова, Мінскі дзяржаўны лінгвістычны ўніверсітэт і інш.

 

 

 

Варыянты працаўладкавання выпускнікоў спецыяльнасці «Пачатковая адукацыя»: настаўнік пачатковых класаў, педагог-арганізатар, выхавальнік групы падоўжанага дня, настаўнік рускай мовы, беларускай мовы, англійскай мовы, кіраўнік студыі дэкаратыўна-прыкладнога мастацтва (у адпаведнасці з атрыманай дадатковай спецыялізацыяй).

 

 

 

"Што можа быць больш сумленным і больш высакародным, як вучыць іншых таму, што сам найлепшым чынам ведаеш...»

 

                                                                                                  (М. Квінціліан)