16 лістапада ў Полацкім каледжы ВДУ імя П.М.Машэрава адбылася сустрэча выкладчыкаў і навучэнцаў спецыяльнасцей "Пачатковая адукацыя" і "Дашкольная адукацыя" з доктарам філалагічных навук, прафесарам кафедры літаратуры ФДБОУ ВА "Маскоўскі педагагічны дзяржаўны ўніверсітэт" Мінералавай Ірынай Георгіеўнай. Ірына Георгіеўна прачытала лекцыі па сучаснай дзіцячай літаратуры, звярнула ўвагу на актуальныя праблемы сучаснай методыкі выкладання ў пачатковай школе і дашкольнай установе.

9 лістапада 2021 года ў Полацкім каледжы ВДУ імя П.М.Машэрава ў рамках святкавання 45 – годдзя спецыяльнасці "Музычная адукацыя" адбыўся канцэрт-лекцыя "Музычны калейдаскоп".
У мерапрыемстве прынялі ўдзел навучэнцы спецыяльнасці "Музычная адукацыя" і "Дашкольная адукацыя". Удзельнікі канцэрта прадставілі творы для фартэпіяна рускіх, беларускіх і замежных кампазітараў розных жанраў. Навучэнцы Руды Максім і Велюга Яўген выканалі творы ўласнага сачынення. Вядучыя канцэрта Савіцкая Варвара і Якубсан Уладзіслаў пазнаёмілі слухачоў з музыкай розных напрамкаў. Канцэрт падрыхтаваны цыклавой камісіяй фартэпіяна і музычна-тэарэтычных дысцыплін.

З 8 па 12 лістапада 2021 года ў Полацкім каледжы ВДУ імя П.М.Машэрава прайшла інфармацыйна-адукацыйная акцыя "Беларусь - энергаэфектыўная краіна", прысвечаная міжнароднаму Дню энергазберажэння.
Мэта правядзення акцыі - павышэнне дасведчанасці насельніцтва аб магчымых спосабах і метадах павышэння эфектыўнасці выкарыстання энергарэсурсаў, у тым ліку і ў паўсядзённым жыцці і быце, што з'яўляецца адной з важных мер па паляпшэнню дабрабыту грамадзян і эканамічнага росту краіны ў цэлым.
Гэтыя дні ў каледжы прайшлі ў фармаце "энергаэфектыўнасці". Кожны ўдзельнік акцыі змог не толькі падзяліцца сваёй энергіяй, зарадзіць пазітывам сяброў, але і ўнесці свой уклад у агульную справу!

У Полацкім каледжы ВДУ імя П.М. Машэрава ў гэтым навучальным годзе рэалізуецца праект "Прафілактыка шкодных залежнасцяў сярод навучэнцаў каледжа". Гэты праект садзейнічае фарміраванню негатыўнага стаўлення да алкаголю, курэння, наркотыкаў, нездаровай ежы, прафілактыкі шкодных звычак. У кастрычніку 2021 года разам з каардынатарам праекта Булгакавай Любоўю Леанідаўнай, старшынёй Наваполацкага гарадскога аддзялення Рэспубліканскага грамадскага аб'яднання "Маці супраць наркотыкаў", навучэнцы сталі ўдзельнікамі інтэрактыўных гульняў, прафілактычных лекцый "Тваё жыццё - твой выбар!", абмеркавалі актуальныя пытанні. «Мы выбіраем ЗЛЖ!» Сёння гэтыя словы асабліва актуальныя для маладога пакалення. Быць здаровым - гэта рэальны выбар кожнага!

Дударава К.І., педагог сацыяльны Полацкага каледжа ВДУ імя П.М. Машэрава

200 гадоў таму, 11 верасня 1821 года нарадзіўся Фёдар Міхайлавіч Дастаеўскі: адна з самых яркіх і загадкавых фігур рускай літаратуры.
Гэтымі днямі ва ўсім свеце праходзяць лекцыі, чытанні, святочныя мерапрыемствы, прысвечаныя вялікаму рускаму пісьменніку. Да юбілейных урачыстасцей далучыліся будучыя настаўнікі рускай мовы і літаратуры – навучэнцы спецыялізацыі “Руская мова і літаратура” спецыяльнасці “Пачатковая адукацыя” Полацкага каледжа ВДУ імя П.М. Машэрава.
Разам з удзельнікамі музычнага тэатра «Фігаро» навучэнцы падрыхтавалі літаратурна-тэатральную замалёўку, якая расказвае пра нялёгкі лёс класіка рускай літаратуры. Аповяд пра жыццё і творчасць пісьменніка суправаджалі аўтарскія музычныя кампазіцыі навучэнца 2 курса спецыяльнасці "Музычная адукацыя" Максіма Рудога. Удзельнікі дызайн-студыі "АРТЫК" (кіраўнік Журко А.Б.) падрыхтавалі тэматычную выставу "Свет выратуе прыгажосць". Навучэнцы змаглі не толькі пераканаўча паказаць прыгажосць, высокая культуру пачуццяў, якія напаўняюць творчасць Ф. М. Дастаеўскага, але і стварылі атмасферу мінуўшчыны, дапамаглі ўбачыць адмысловую эстэтыку таго часу.
У Год народнай еднасці можна смела сказаць, што ўсе пакаленні аб'ядноўвае і любоў да літаратуры. Разам з навучэнцамі каледжа ў юбілейных мерапрыемствах прынялі ўдзел госці з Віцебскага дзяржаўнага ўніверсітэта імя П.М. Машэрава. Загадчыца кафедры літаратуры факультэта гуманітарыстыкі і моўных камунікацый, кандыдат філалагічных навук Ганна Яўгенаўна Аксянчук узнагародзіла пераможцаў першага этапа конкурсу эсэ “Ці патрэбны нам Дастаеўскі”, арганізаваны кафедрай філалогіі Наўгародскага дзяржаўнага ўніверсітэта імя Яраслава Мудрага. А студэнты факультэта гуманітарыстыкі і моўных камунікацый Віцебскага дзяржаўнага ўніверсітэта імя П.М. Машэрава Дыяна Галавач, Арцём Касачова і Дар'я Мамошына расказалі пра літаратурнае жыццё ўніверсітэта.
Фёдар Міхайлавіч Дастаеўскі казаў: «Свет выратуе прыгажосць» і рабіў усё, каб мы, нашчадкі, і праз шмат гадоў узяўшы ў рукі яго кнігі, бачылі гэтую прыгажосць: у каханні, у працы, у думках.
Кацярына Непачатая, навучэнка групы 31Н спецыяльнасці "Пачатковая адукацыя" Полацкага каледжа ВДУ імя П.М. Машэрава.
Фота Дзіяны Галавач, студэнткі 3 курса факультэта гуманітарыстыкі і моўных камунікацый Віцебскага дзяржаўнага ўніверсітэта імя П.М. Машэрава

9 кастрычніка 2021 года навучэнцы групы 42-І спецыяльнасці "Замежная мова" Полацкага каледжа ВДУ імя П.М.Машэрава далучыліся да рэспубліканскай акцыі "Чысты лес". Іх уклад у важную ініцыятыву, накіраваную на экалагічны дабрабыт краіны ў цэлым, стала навядзенне парадку ва ўтульным лясным кутку, які даўно спадабаўся жыхарам і гасцям Полацка побач з аддзелам турызму і актыўнага адпачынку Полацкага цэнтра дзяцей і моладзі. У гэты дзень «лясныя валанцёры» не толькі ўнеслі ўклад у агульную справу, але і атрымалі зарад бадзёрасці і добрага настрою!