Паважаныя абітурыенты!
Залічэнне ва ўстанову адукацыі праводзіцца ў адпаведнасці з ПРАВІЛАМІ ПРЫЁМУ АСОБ ДЛЯ АТРЫМАННЯ СЯРЭДНАЙ СПЕЦЫЯЛЬНАЙ АДУКАЦЫІ (раздзел 5).
Залічэнне на бюджэтную і платную форму атрымання адукацыі па спецыяльнасцях "Дашкольная адукацыя", "Замежная мова", "Пачатковая адукацыя", "Арганізацыя гасцінічных паслуг" праводзіцца па конкурсе сярэдняга бала дакумента аб адукацыі, які вызначаецца па дзесяцібальнай шкале з дакладнасцю да дзесятых доляў адзінкі. .
Залічэнне на бюджэтную форму атрымання адукацыі па спецыяльнасці "Музычная адукацыя" праводзіцца на аснове агульнай сумы балаў, падлічанай па выніках здачы ўступнага іспыту па спецыяльнасці (сумы балаў, атрыманых па 2 этапах) і сярэдняга бала дакумента аб адукацыі.
На месцы, устаноўленыя кантрольнымі лічбамі прыёму для атрымання сярэдняй спецыяльнай адукацыі на ўмовах мэтавай падрыхтоўкі спецыялістаў, праводзіцца асобны конкурс.
Па-за конкурсам залічваюцца дзеці-сіроты і дзеці, якія засталіся без апекі бацькоў, а таксама асобы з ліку дзяцей-сірот і дзяцей, якія засталіся без апекі бацькоў.
Інфармацыя аб колькасці пададзеных заяў на кожную спецыяльнасць, сярэднім бале абітурыентаў, колькасці льготнікаў і мэтавікоў размяшчаецца і рэгулярна абнаўляецца на сайце ўстановы адукацыі.
Залічэнне абітурыентаў у лік навучэнцаў па выніках конкурснага набору ажыццяўляецца на адкрытым пасяджэнні прыёмнай камісіі ў парадку, устаноўленым заканадаўствам.
Пераважнае права на залічэнне пры роўнай агульнай суме балаў у парадку пералічэння маюць:
* інваліды I або II групы, дзеці-інваліды, якія прадаставілі пры прыёме дакументаў адпаведнае пасведчанне і заключэнне ўрачэбна-кансультацыйнай камісіі або медыка-рэабілітацыйнай экспертнай камісіі аб тым, што ім не супрацьпаказана навучанне па выбранай спецыяльнасці;
* асобы, якія маюць ільготы ў адпаведнасці з пунктам 7 артыкула 18 Закона Рэспублікі Беларусь ад 6 студзеня 2009 года "Аб сацыяльнай абароне грамадзян, якія пацярпелі ад катастрофы на Чарнобыльскай АЭС, іншых радыяцыйных аварый";
* інваліды III групы;
* асобы, якія маюць ільготы ў адпаведнасці з артыкуламі 19 – 23 Закона Рэспублікі Беларусь «Аб сацыяльнай абароне грамадзян, якія пацярпелі ад катастрофы на Чарнобыльскай АЭС, іншых радыяцыйных аварый»;
* абітурыенты са шматдзетных сем'яў;
* пераможцы трэцяга этапа рэспубліканскай алімпіяды па вучэбных прадметах, праведзенай у навучальным годзе;
* пераможцы рэспубліканскіх, абласных турніраў і конкурсаў, праведзеных заснавальнікамі ўстаноў адукацыі па вучэбных прадметах уступных іспытаў;
* абітурыенты, якія атрымалі больш высокі бал па профільным выпрабаванні;
* абітурыенты, якія маюць у дакуменце аб адукацыі больш высокі бал па вучэбных прадметах «Руская мова», «Беларуская мова»;
* абітурыенты, якія маюць больш высокі сярэдні бал дакумента аб адукацыі, дакладнасць якога вызначаецца не ніжэй за дзесятыя долі адзінкі.
